Epigram 12.85

URN
Created on
By
Updated on

Descriptions

Text

Οἰνοπόται δέξασθε τὸν ἐκ πελάγευς, ἅμα πόντον
καὶ κλῶπας προφυγόντ᾽, ἐν χθονὶ δ᾽ ὀλλύμενον.
ἄρτι γὰρ ἐκ νηός με μόνον πόδα θέντ᾽ ἐπὶ γαῖαν
ἀγρεύσας ἕλκει τῇδ᾽ ὁ βίαιος Ἔρως,

ἐνθάδ᾽ ὅπου τὸν παῖδα διαστείχοντ᾽ ἐνόησα:
αὐτομάτοις δ᾽ ἄκων ποσσὶ ταχὺς φέρομαι.
κωμάζω δ᾽ οὐκ οἶνον ὑπὸ φρένα, πῦρ δὲ γεμισθείς.
ἀλλὰ φίλοι, ξεῖνοι, βαιὸν ἐπαρκέσατε,
ἀρκέσατ᾽ , ὦ ξεῖνοι, κἀμὲ Ξενίου πρὸς Ἔρωτος

δέξασθ᾽ ὀλλύμενον τὸν φιλίας ἱκέτην.

— Paton edition

Οἰνοπόται δέξασθε τὸν ἐκ πελάγευς, ἅμα πόντον
καὶ κλῶπας προφυγόντ᾽, ἐν χθονὶ δ᾽ ὀλλύμενον.
ἄρτι γὰρ ἐκ νηός με μόνον πόδα θέντ᾽ ἐπὶ γαῖαν
ἀγρεύσας ἕλκει τῇδ᾽ ὁ βίαιος Ἔρως,

ἐνθάδ᾽ ὅπου τὸν παῖδα διαστείχοντ᾽ ἐνόησα:
αὐτομάτοις δ᾽ ἄκων ποσσὶ ταχὺς φέρομαι.
κωμάζω δ᾽ οὐκ οἶνον ὑπὸ φρένα, πῦρ δὲ γεμισθείς.
ἀλλὰ φίλοι, ξεῖνοι, βαιὸν ἐπαρκέσατε,
ἀρκέσατ᾽ , ὦ ξεῖνοι, κἀμὲ Ξενίου πρὸς Ἔρωτος

δέξασθ᾽ ὀλλύμενον τὸν φιλίας ἱκέτην.

— Paton edition

Cities

Keywords

Scholia

Comments

Alignment

External references