Epigram 14.3

URN
Created on
By
Updated on

Descriptions

Text

ἁ Κύπρις τὸν Ἔρωτα κατηφιόωντα προσηύδα:

τίπτε τοι, ὦ τέκος, ἄλγος ἐπέχραεν; ὃς δ᾽ ἀπάμειπτο:


Πιερίδες μοι μῆλα διήρπασαν ἄλλυδις ἄλλη,

αἰνύμεναι κόλποιο, τὰ δὴ φέρον ἐξ Ἑλικῶνος.


Κλειὼ μὲν μήλων πέμπτον λάβε: δωδέκατον δὲ

Εὐτέρπη: ἀτὰρ ὀγδοάτην λάχε δῖα Θάλεια:

Μελπομένη δ᾽ εἰκοστὸν ἀπαίνυτο: Τερψιχόρη δὲ

τέτρατον ἑβδομάτην δ᾽ Ἐρατὼ μετεκίαθε μοίρην

ἡ δὲ τριηκόντων με Πολύμνια νόσφισε μήλων,


Οὐρανίη δ᾽ ἑκατόν τε καὶ εἴκοσι: Καλλιόπη δὲ

βριθομένη μήλοισι τριηκοσίοισι βέβηκε.

σοὶ δ᾽ ἄρα κουφοτέρῃσιν ἐγὼ σὺν χερσὶν ἱκάνω,

πεντήκοντα φέρων τάδε λείψανα μῆλα θεάων.

— Paton edition

ἁ Κύπρις τὸν Ἔρωτα κατηφιόωντα προσηύδα:

τίπτε τοι, ὦ τέκος, ἄλγος ἐπέχραεν; ὃς δ᾽ ἀπάμειπτο:


Πιερίδες μοι μῆλα διήρπασαν ἄλλυδις ἄλλη,

αἰνύμεναι κόλποιο, τὰ δὴ φέρον ἐξ Ἑλικῶνος.


Κλειὼ μὲν μήλων πέμπτον λάβε: δωδέκατον δὲ

Εὐτέρπη: ἀτὰρ ὀγδοάτην λάχε δῖα Θάλεια:

Μελπομένη δ᾽ εἰκοστὸν ἀπαίνυτο: Τερψιχόρη δὲ

τέτρατον ἑβδομάτην δ᾽ Ἐρατὼ μετεκίαθε μοίρην

ἡ δὲ τριηκόντων με Πολύμνια νόσφισε μήλων,


Οὐρανίη δ᾽ ἑκατόν τε καὶ εἴκοσι: Καλλιόπη δὲ

βριθομένη μήλοισι τριηκοσίοισι βέβηκε.

σοὶ δ᾽ ἄρα κουφοτέρῃσιν ἐγὼ σὺν χερσὶν ἱκάνω,

πεντήκοντα φέρων τάδε λείψανα μῆλα θεάων.

— Paton edition

Authors

Cities

Keywords

Scholia

Comments

Alignment

External references