ὀργὴ τοῦ Διός ἐστι γυνή, πυρὸς ἀντιδοθεῖσα
δῶρον, ἀνιηρὸν τοῦ πυρὸς ἀντίδοτον.
ἄνδρα γὰρ ἐκκαίει ταῖς φροντίσιν ἠδὲ μαραίνει,
καὶ γῆρας προπετὲς τῇ νεότητι φέρει.

οὐδ᾽ ὁ Ζεὺς ἀμέριμνος ἔχει χρυσόθρονον Ἥρην
πολλάκι γοῦν αὐτὴν ῥῖψεν ἀπ᾽ ἀθανάτων,
ἠέρι καὶ νεφέλῃσι μετῄορον: οἶδεν Ὅμηρος,
καὶ Δία συγγράψας τῇ γαμετῇ χόλιον.
οὕτως οὐδέποτ᾽ ἐστὶ γυνὴ σύμφωνος ἀκοίτῃ,

οὐδὲ καὶ ἐν χρυσέῳ μιγνυμένη δαπέδῳ.

— Paton edition